E fa’asilasila atu i Asiasi Aoga, Pule Aoga, Faiaoga, Failautusi ma Tausi Potu Tusi o Aoga Tulagalua ma Kolisi uma ale Malo e faapea:
(1) Faafetai ua maitauina le maea tapena ai o ni isi o aoga mo meaaoga a le fanau ua tufatufaina e faatino ao toesea ai ma potuaoga e pei ona iai i lenei vaitau.
(2) Mo aoga e lei atoatoa le faatinoinaina o le (l), ua faamalosia le faatinoina o lenei tapenaga mo fanau.
(3) 0 lenei galuega e tatau ana sili atu i le masina tapenaga o meaaoga a lefanau e fai ile fale (Assignments) ao talia ai se faaiuga o Poloaiga mo Faalavelave Tutupu faafuasei lea e faamaea ile aso 4 Aperila 2020.
(4) Faatumau le faaauauina ole galulue ai o Asiasi Aoga, Puleaoga, Faiaoga, Failautusi ma Tausi Potu Tusi seia toe logoina atu. Mo le aufaigaluega taumamao e leai ni taavale e malaga ai i aoga o loo galulue ai, e fautuaina lou susu a’e i le aoga o loo lata one i lou nofoaga e te saini ma e galue ai mo le taimi nei.
(5) 0 le a galulue Asiasi Aoga e mataitu ma tulituliloa le (2), (3) male (4) ma lipoti mai i le Ofisa Tutotonu i aso taitasi.
Maimoa ma faafofoga pea i auala o fasalalauga e pei o le TV (polokalame ole La Oso) male Leitio (2AP) i polokalame e lagolago ai galuega fai ile fale (Assignment) ale fanau aoga.
Faafetai,
Afamasaga Dr Karoline Afamasaga-Fuata’i
Ofisa Sili o Pulega
Matagaluega o Aoga, Taaloga ma Aganu’u
