Faasilasilaga: Tolopoina o Polokalame o le Fonotaga Faaletausaga a Faiaoga 2020

E faasilasila atu i Asiasi Aoga, Puleaoga, Komiti o Aoga, Pule Lagolago ma Faiaoga uma o Aoga a le Malo, Aoga Ekalesia ma Aoga Tuma’oti e faapea.

Ua tolopoina nei polokalame uma o le Fonotaga Faaletausaga a Faiaoga 2020 lea sa fuafua e amatalia ile sauniga Lotu ile Aso Sa 19 Ianuari seia oo ile Aso Tofi 23, Ianuari 2020 seia toe logoina atu ona o tulaga faaletonu ole tau. O lenei faaiuga ua faia ona o tulaga faaletonu o le tau o loo iai nei.

Mo nisi faamatalaga faamolemole faafesootai mai le Vaega o Faafoega o Aoga mo Perenise Stowers ile telefoni 64607 po’o Nimera Taofia Lolesio ile telefoni 64639.

Talosia i le agalelei o le Tapaau Sili i le lagi ia taitai saogalemu le soifua male ola ia tatou aulia ai le amataga o lenei tausaga faaleaoaoga i le manuia mai lana Afio.

Faafetai,

Afamasaga Dr Karoline Afamasaga Fuata’i
OFISA SILI O PULEGA

Written by